تنويه: ما تزعلش يا عبد الرحمن ... أنا مأخر تحليلك شوية ... وزى ما بيقولوا عشان ختامها يكون مسك.
مش عارف أبدأ منين ...... حبيبة -المشهور بسكوبل- دة شخصية جميلة أوى أوى........ وأنا ما بقولش كدة عشان هوة صاحبى..... بحاول أبدأ باليوم اللى اتعرفت علية فيه..... أنا مش فاكر اليوم بالضبط لكن اللى فاكره كويس ان أنا اللى بدأت التعارف معاه ..... وبعد كدة العلاقة توطدت- ما تفهمونيش غلط- بعد ما أإصبحنا أصدقاء فى المدونة..... ساعات كتير الأسماء بتنطبق على المسميات ودة اللى حصل معاه .... اسمه حبيبة وهو شخصية حبّوبة-على فكرة حبيبة دة مش اسمه الأول-أول ما تشوفه تحبه أى والله تحبه وأما تتعامل معاه اكيد حتحبه أكتر......... شخص معاصر للأحداث اللى بتحصل حوالية..... يعنى مثلا لو دخلت على صفحته على الفيس بعد أحداث المحلّة حتلاقيه حاطط تعليق جميل أوى جنب اسمه و هكذا مع معظم الأحداث المعاصرة...........شخص ممكن جدا انه ينزل على رأيك فى موضوع من المواضيع اللى بتناقشها معاه..... يعنى مش متعصب فكريا ودة اللى لاحظته بعد البوست بتاعه " فى نصرة الحبيب صلى الله عليه وسلم"......... العاطفة الدينية عند سكوبل حاضرة ومتيقظة وعلى الرغم من عدم انتمائه لأى من التيارات الدينية اللى موجودة دلوقتى-قطعا أقصد الاخوان- ممكن جا تلاقيه واقف يصلى صلاة الغائب على أرواح شهداء غزة يعنى من الاخر مش بايع القضية......فى ناس كتير أوى بيبقوا فى التليفون حاجة تانية -بدأنا الغلط- مش قصدى الصوت ... قصدى تعاملهم معاك ........ يعنى تلاقيه كدة بيتكلم بوقار كدة وهيبة وتبقى عايز تطلع الضحكة من بقه بالعافية- ودة طبعا فى التليفون بس -وأظن ان الدائخ كدة كمان ... مش عارف يمكن عشان أنا أول مرة أكلمه فى التليفون قريب ومع الوقت بيفك ..... أو يمكن عشان الحاجة بتبقى قاعدة جنبه ساعتها.......المهم كمان حبيبة من الناس اللى بتطبق أوى الحديث اللى بيقول فيما معناه استعينوا على قضاء حوائجكم بالكتمان..... صعب أوى فى نتيجة من النتائج تطلّع منه هو جاب كام ..... ودى حاجة شخصية أنا بعرضها بس وليس لى الحق فى التدخل فيها ..... شخص مثقف ومتفوق ......نخش كلوز اكتر على حياته الشخصية ..... سكوبل يعيش مع عائلة فيها ترابط أسرى كبير-سامحنى على التدخل-انا ما حسدش والله-هو شخصية مش اجتماعية أوى يعنى ممكن ندّيله فيها 55% ........ ماهو ربنا ما بيدّيش كل حاجة ..... أسلوبه رائع فى الكتابة ........ومن الناس اللى لما بقعد على النت بخش أشوف أخر حاجة لية......... ما بيتكلمش كتير فى المحاضرات بعكس المهيس الاكبر تماما.......جايز أما أصاحبه أكتر أكتشف فيه حاجات اكتر ...... أصل كل معرفتى بيه تنحصر فى السنة دى بس ......... أصحابه أوى فلى الكلية 2 .... بيمشى معاهم على طول ..... أنا شخصيا بحبه وبحب أشوفه وأتكلم معاه .
تنويه قبل الأخير : أرفع القبعة للسيد الدائخ اللى لمّا اتكلّمت عنه ما دخلش وعلّق وما أبداش رأيه بالسلب او بالايجاب.
تنويه اخير: جايز دة ما يكونش تحليل بس ممكن تعتبروه انى بقربكم شوية من الشخصية عمّالين تقرولها وانتم مش عارفينها
11.4.08
عن سكوبل أتحدث!!!
هيسها معكم
غير معرف
الاشتراك في:
تعليقات الرسالة (Atom)
الدعاية كما لم تكن من قبل
هناك 8 تعليقات:
انا صح معرفش سكوبل بس كتاباته و تعليقاته بتدل على انه شخصية محترمة لابعد الحدود و فى نفس الوقت يمتلك روح ساخرة يستطيع ان يسحرك بكلماته دون ان تراه ارجح انه انطوائى نوعا ما و لكن ليس مع من توطدت علاقته بهم له حس نقدى رائع يستطيع ان يخبرك بنقاط الضعف دون ان يجرحك يجيد الحديث من وراء قلمه مرهف الحس و تدل على هذا كلماته
اسفة ان كنت اغفلت شييء و لكن هذا ما استطعت ان استشفه
اممممممممم
حلو قوى تحليلك لشخصيته بجد
صفاته حلوة
جدا ومحترمه
بس تفتكر يعنى مش هنقول علشان هو صحبك هههههههههههههه
لا بهزر
ربنا يكرمكم ويخليكوا لبعض
اللي كنت عاوز أقوله من المرة الأولانية بس ما اتبلورش إلا من يومين كده أن ده مش تحليل أكتر منه ملاحظات دقيقة و عميقة .. التحليل حاجة تانية خالص، مع كامل اعتذاري لعم الجدع ..
بالنسبة بقي لسكوبل، فده حكايته حكاية .. بعيدًا عن المجاملات و أنه أحسن منه مفيش، و أنه أفضل اختراع بعد الكهربا و الـ Games، و إن الدنا لو ما كانش فيها سكوبل كانت تبقي ناقصة حتة .. بعدًا عن كل ده أقدر أقول رأيي بصراحة ..
سكوبل شخصة تحب الغموض المبرر، و ليس أدل علي ذلك من اسمه سكوبل، الذي هو اختصار رائع لاسم من عالم الفانتازيا .. هو أيضًا شخصية خدومة جدًا و خصوصًا مع أصدقائه المقربين، ما بيتأخرش بحاجة فعلاً .. منطو زي ما قلتم، بس لو عرف تدخله إزاي حتقدر تفك شفرته، زي أغلب الناس .. رومانسي رغم إنه عنيف في رومانسيته شوية .. أنتوخ كبير، و يعشق اللحظة الأخيرة كأغلب المصريين .. و الأهم من ده إن زي ما قال الجدع حسه و شعوره الدن عالي جدًا، مقارنة بناس تانية كتير ..
الحاجة الوحيدة اللي غاظني فيه إنه مش عاوز ينضغط .. و أظن هو فاهم قصدي
إيه رأيكوا .. تعليق و لا كأنه بوست، و تحليل تاني Bonus ..
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the MP3 e MP4, I hope you enjoy. The address is http://mp3-mp4-brasil.blogspot.com. A hug.
anonimous:
أنت لم تغفلى شىء وجبتى من الاخر.... سكوبل كدة فعلا..... تحياتى
appy:
شكرا لهذا الاطراء .... حلوة أوى الدعوة اللى انت دعيتيها فى الاخر دى ..... وادينى بقول اميين
الدائخ:
من الواضح يا عم الدائخ انك ما قريتش البوست كويس ... بدليل ان انا قات فى اخره " جايز دة ما يكونش تحليل بس ممكن تعتبروه انى بقربكم شوية من الشخصية عمّالين تقرولها وانتم مش عارفينها" بالتمام والكمال ... الا انى مع هذا أؤكد على كلامك دة وبقول ان هوة مش تحليل.... وبصراحة كلامك عنه مختصر ورائع ... اية أمشى أنا بقى ولا اية؟؟
أما بخصوص ان هوة مش عاوز ينضغط.... أنا بقول ان احلى حاجة فيه هى دى
اما انت بقى يا mp3 e mp4
من الواضح ان انت ما قريتش البوست خالص.... ومن الواضح اكتر انك حافظ الجملة اللى انت كتبتها وبتخش على كل المدونات وبتحطها .... عيب دى مش اخلاق مدونين .... انا عارف انك مش حتقرا الكلام دة بس اهو من نفسى
ربنا يستر ويسهلنا فى الامتحانات .. اااامين
ربنا يوفقكم و يوفقنى آآآآآآآآآآآآآآآآآآآآآآمين
يارب استر علينا دا إحنا غلابة و الإمتحانات صعبة ومؤلمة وحلزونية زي ما انتم عارفين ، أما عن حبيبة فلست أجد ما اصفه به إلا إنه شخصية مثالية أكثر قليلا من اللازم وهذا ما احبه فيه هو ضدي تماما في موضوع الإنفلات و بحترمة جدا وبحبه جدا كان ديما جنبي في أصعب الأوقات وفعلا خدوم بس هواياته تتبلور في المتابة والتنفيخ على العبد لله ، بس انا ملاحظ إنه خف من يوم ما قفشت عليه ، شعب مايجيش إلا بال... الحمرة(العين طبعا)
ربنا يوفقنا كلنا في الإمتحانت وانتظروا مني عدة قصائد يا اولادي ويا واد يا جدع ما تثبت بقى إنك جدع وتحللني وتخلصني ياد ، هو يعني تحليل بلود بيكتشر ولا يورن سامبل ده هو تحليل نفسي
إرسال تعليق