مطولة بلا معني

حاسس إني مكتئب و مش رايق و عاوز انتحر من زهقي.. تفتكرده طبيعي يا محسن ؟ ... مين محسن ده ؟!
عمركش حسيت إنك كأنك بتتزغزغ و حتطير من كتر الزغازيغ رغم إن كل اللي حالصل إنك بتسنع حتة مزيكا ؟
عمركش حسيت إنك مسطول كأنك شارب طن حشيش رغم إن كل اللي حصل إنك أكلت طبق فول بالطحينة ؟
عمركش حسيت إنك نفسك تنط من أعلي حتة ممكن توصلها تنزل زرع بصل من غير نفس ؟
عمركش حسيت إنك نفسك تعيش و تتبغدد من غير ما تعمل حاجة ؟
عمركش حسيت إن الدنيا وردي و الحياة حلوة و الجو أبدع من كده مفيش ؟
طب مجربتش مرة تنط من فوق بلكونة بيتكم تشوف اللي حيحصل لصوابع رجليك ؟
شفتش قبل كده فيل براس و زلومتين ؟ .. غربية !
عمركش حسيت بأن في حد نسك تشوفه لدرجة أنك أول ما تشوفه تقول اتفووو عليك ؟
طب عمركش حسيت أنك ضيعت عمرك في كلام فاضي ؟
أوأنك كان ممكن تبقي أزرط من كده لولا ستر ربنا ؟
مجربتش مرة تاكل و أنت نايم ؟
محاولتش تعرف ليه أنا اتحطيت في الموقف الزبالة ده .. موقف إيه ؟
طب ما شفتش واحد نفس تشوفه من فترة، بس بيتهرب منك ؟؟ .. عملت فيه إيه ؟
عمركش حسيت إنك قعدت تقرا حاجة ما انتش فاهمها أول من آخر و نفسك تضرب اللي كاتبها ؟
إذا كان كده يبقي سلامو عليكم و تصبحوا علي خير ..