ناس و ناس

الدنيا دي ناس و ناس ..
ناس عيشتها ع الرصيف ..
و ناس قعدتها ف التراس ..
ناس تتولد و تموت وضيعة ..
و ناس فوق أوي، هاي كلاس ..
ناس عيشتها ف الجامع ..
و ناس حياتها بين كاس و كاس ..
و ناس مش ف دماغها أي حاجة ..
شايلة هم الدنيا ده م الراس ..
ناس عيشتها لعب و تنطيط ..
و ناس بقت حتة م الكراس ..
ناس تتحط ع الجرح يطيب ..
و ناس تضرب الجرح بألف فاس ..
ناس دماغها يوزن بلاد ..
و ناس قافلة دماغها بميت ترباس ..
ناس، و ناس، و ناس ..
ألف صورة و ألف منظر ..
ألف لون، و وشوشهم أكتر ..
بس في الآخر ..
يدفنوا ف نفس القبر ..
و يبقوا تراب بينداس ..