و الاسم سعيد

ماشي و الشكل يا ناس دا سعيد
و ظروفه حواليه لزوم التأكيد
دي الدنيا نازله فيه تنفيض
ملعون ابو حظه الاسم سعيد
جايب مجموع ثانويه شديد
و داخل كليه قمه اكيد
ملعون ابو حظه الاسم سعيد
و اهو شاف في الطب حاجات تعقيد
و شايله مواد و السنه هيعيد
ملعون ابو حظه الاسم سعيد
واحد و خطيبته الايد في الايد
و خروج سينمات و لقا و مواعيد
ملعون ابو حظه الاسم سعيد
و جواز و خناق و يسيبوا البيت
و طلاق و فراق من باب تجديد
ملعون ابو حظه الاسم سعيد
ماشي ب ظباط من باب طنطيط
بوكس و حراس و حاجات طظبيط
ملعون ابو حظه الاسم سعيد
دا حرامي سرق تحت التهديد
و عليه مقبوض و رايح في حديد
ملعون ابو حظه الاسم سعيد
و دا قام من النوم ناسي التوقيت
و مقضّي ساعه كمان تمديد
ملعون ابو حظه الاسم سعيد
دور علي شغل ولا حاجه تفيد
و كأنه الطور ينطح في الحيط
ملعون ابو حظه الاسم سعيد
و يا ناس في الشكل افكاركو تحيد
و حقيقه الظرف يا هووه دا عنيد
متاخدش بشكلي للتحديد
ملعون ابو حظي الاسم سعيد:(