حبة كـــــــــلام

حتقولوا قول حبة كلام
أصل كلامك حلو و جميل
متعمر من العيار التقيل
لا مش حاقول
حتقولوا : ليه ؟؟
حاقول : غتاتة
هو الكلام بقى بالشحاتة
طب عدوا واحد اتنين تلاتة
كان في مرة واحدة وواحد
اسمهم تفيدة و عبد الواحد
كانت تعزه و هو جاحد
و بعدين يا شيخنا؟؟
كمل.. كلامك عصير شربات
مليان مغامرة و أفشخانات
ماشي كلامكم المرادي
كان يحرجها و تقول عادي
بكره يعقل و يبقى هادي
لكنه كان شخص سادي
يطلب شربة بطعم الزبادي
زهقت منه أوي وخلاص
دبحته
بعد ما سلخته
قطعته
و في حبة اكياس عبته
في مقلب زباله رمته
ايه يا معشر الرجال
شكلكوا خفتوا من اللي اتقال
امال فين رفع الأثقال
و الشدة و الاحتمال
هاهاهأ أو .. ده جيل بطال
أسكت ولا أكمل؟؟
لأ اسكت يا شيخنا
ده احنا خلاص دخنا
وجعتلنا نفوخنا
ماشي الكلام
يلا سلام
كله ينام
بس حاسبوا من الأحلام
أحسن مود اليلة كوابيس
قد كان معكم
مذيع مهوي من اذاعة التهييس