مش عارف ليه دايما بافتكر كلمة أستاذي بتاع العربي أما قعدنا نتناقش معاه حول الدروس الخصوصية ، أما قالنا ان الصحافة و التلفزيون بمسلسلاته و أفلامه بيشنع بالمدرس و ينسى ان الناس في الأساس لجأت للحل ده علشان عظمة نظام التعليم و قوانينه .. أفتكر أنه قالنا " دول بقوا يعاملونا كأننا مصاصين دماء .. في الجرانين كده يقولك الذئب البشري " و بصراحة كل ما افتكرها أضحك .. و دايما أتخيل ان مدرس عربيته عطلت ولا حاجة يروح يصلحها عند ميكانيكي تعبان من الخرم اللي في جيبه وان واي على جيوب المدرسين بتوع العيال .. و الميكيانيكي يعرف انه مدرس يروح طالع وراه بمفتاح تسعة لحد ما يدغدغه
اللي مضحك في الامر ان واضح ان الدكاترة جا عليهم الدور .. مرة ركزت في اللي بيتقال و حاكتبلكم اللي حافتكره ، و الباقي خليه حابقى أضيفه على نفس الموضوع .. نبدأ منين .. من التلفزيون .. أيوه تمام ركزوا معايا كده في أسلحة دمار شامل تقريبا .. الدكتور اللي أدمن و بقى أسمه بروفسور أبو سرنجة و هانك شم و عطيان حقن و سجاير محشيةو هيصة و كله على مفتوح .. علشان شوية العيال الغلابة اللي اهاليهم نجحوا يقفلوا عليهم و ما يتعلموش من الصحاب الوحشين يعرفواو يتعلموا .. مبدأ تكافؤ الفرص بقى !.. طيب خمسة كمان كده قضية رأي عام .. أيوه ما الاسماء كلها جامده .. دول دكاترة يابا .. المهم بقى الراجل الغني اللي ظبط فيلا و عيادة و عربيه جوز يسرا .. هل قالك ده شقى و تعب لأ .. في الأخر ابن اللذين طلع شغال في الاجهاض و بيتجوز عرفي .. يعني لمواخذة .. الدكاترة دول خلابيص .. عللا رأي مدرس تاني " ووتر أندر تبن" .. عارفك انت و هو لما تجيبوا ال بي ام حيبقى وراها بلاوي
مرة تالتة بازور جدي و بعدين مرات جدي تعزني ع الاخر ترو جاية منادياني أشوف المسلسل اللي الدكاترة فيه معرفش مالهم المرادي .. ممكن يكونوا بيسرقوا أعضاء و لا بيبعو المرضى في سوق العبيد و يقولوا انهم ماتوا
نطلع عالتاكسي .. أيوه البتاع الأصفر ف أسود اللي زمان كان يحضن عليك و يبصلك نظرة مسكنة علشان يصعب عليك و تركب معاه و انت برضه .. بارد تروح مطلعله لسانك و تشاور لمشروع يقفلك سته و يقعدوا يتخانقوا عليك و لا كأنك الباشا أبو البشابيش كلهم !.. و دلوقتي طبعا تقعد سعادتك تشاورله و تجري وراه و تتذلله و تقوله أكفل طالب علم و ليك الجنه و هو برضه .. بارد يطلعلك لسانه و يمشي و يسيبك .. مش هو ده الموضوع المهم واحد صاحبي راكب تاكسي و بيتكلموا و الحوار وصل للدكاترة و عفوا بس الألفاظ الجايه من على لسان اتاكسجي مش أنا
- الدكاترة دول ولاد "..." .. تروح للواحد فيهم سليم يشمطك كشف قد كده .. و كلمتين و علاج ايه ..
-صاحبنا ساكت
-حبة شتايم كمان و الكلام يشد بعضه و بعدين .. و انت شغال ايه يا أستاذ
-طالب -فين -طب .. كلية طب
-مش تقول من الصبح و في سنة كام بقى
-أولى
-فاضلك كام سنة
- 5
- ليه هما بياخدوا ست سنين
-اه
-لا .. ليهم حق ولاد ال "..." يشمطونا
نرجع ليا بقى و في زيارة لناس قرايبنا .. أنا قاعد مع عمي و الراجل بيتكلم .. جت سيرة ان مافيش حد سليم وكل الناس تعبانه .. و الراجل بدأ يحكي عن أنه حس انه همدان حبتين راح للدكتور .. قاله تمام ما فيش حاجة .. معرفش ايه كده و شوية دهون ع المريء و اداله 6 أصناف دوا تلات مرات يوميا .. الراجل يا جماعه قال الكلام الجاي ده بالنص على قد ما الذاكرة تسعفني ..: قلتله ألا قوللي يا دكتور .. الا انت ما عندكش دهون ع المريء - ممكن .. هي مالهاش ضرر أوي بس ممكن تتعالج بالدوا .. ماشي يا دوكتورنا .. دلوقتي بيكلمنا احنا .. 18 برشامه .. اتخيل يا أستاذ .. ليه هو أنا عندي 90 سنه .. اه والله أقعد ابلبع في اليوم 18 برشامه .. تصدق بالله .. أنا جبت الدوا اللي عجبني و سبت الباقي .. و باخد حبة واحده ف اليوم .. 18 برشامة .. ده أنا لو ميه ميه حاموت من كتر البرشام
يعني من الاخر الناس دي طبيبة نفسها و الدكاترة بيخرفوا .. بس خلينا واقعيين .. 18 برشامه .. و الله أصدقها .. اصل انا كتير كنت باعاني من أن وداني تتسد .. و مش باحب اغسلها .. أروح لدكتور ممتاز فعلا و من أحسن دكاترة أنف و أذن .. يقعد يمسك الروشتة .. وهاتك يا دوا .. صنف التاني التالت و هيلا هوب .. لحد ما أقوله خالو بيسلم عليك .. خالك مين .. اقوله أسمه يوقف كتابه و يقوللي و سلملي عليه كتير ( اصله دفعته ) و يروح قايلي خد الدوا الأولاني ده و التاني مش أوي بس اعمل تمرين معين كده ببقك و انت تبقى أحسن و عدي كمان اسبوع .. و كده كام مره لحد ما تعودت .. أروح قبل أي حاجة .. على فكرة يا دكتور .. حالو بيسلم عليك .. سلملي عليه .، و صنف برشام و اشطة أخد منه يوم و لا يومين تفك و عمري ما رحتله الاستشارة .. يا عيني ع اللي مالوش خالو بيسلم ع الدكتور
دكتور و كل الناس تحترمك و ميه ميه .. بس قريبا حنبقى زي المدرسين الخصوصيين .. و زي مصاصين الدماء .. قوللي بقى .. انت دكتور؟؟ ما ترد يا ذئب انت و هو
مشروع ذئب بشري
اللي مضحك في الامر ان واضح ان الدكاترة جا عليهم الدور .. مرة ركزت في اللي بيتقال و حاكتبلكم اللي حافتكره ، و الباقي خليه حابقى أضيفه على نفس الموضوع .. نبدأ منين .. من التلفزيون .. أيوه تمام ركزوا معايا كده في أسلحة دمار شامل تقريبا .. الدكتور اللي أدمن و بقى أسمه بروفسور أبو سرنجة و هانك شم و عطيان حقن و سجاير محشيةو هيصة و كله على مفتوح .. علشان شوية العيال الغلابة اللي اهاليهم نجحوا يقفلوا عليهم و ما يتعلموش من الصحاب الوحشين يعرفواو يتعلموا .. مبدأ تكافؤ الفرص بقى !.. طيب خمسة كمان كده قضية رأي عام .. أيوه ما الاسماء كلها جامده .. دول دكاترة يابا .. المهم بقى الراجل الغني اللي ظبط فيلا و عيادة و عربيه جوز يسرا .. هل قالك ده شقى و تعب لأ .. في الأخر ابن اللذين طلع شغال في الاجهاض و بيتجوز عرفي .. يعني لمواخذة .. الدكاترة دول خلابيص .. عللا رأي مدرس تاني " ووتر أندر تبن" .. عارفك انت و هو لما تجيبوا ال بي ام حيبقى وراها بلاوي
مرة تالتة بازور جدي و بعدين مرات جدي تعزني ع الاخر ترو جاية منادياني أشوف المسلسل اللي الدكاترة فيه معرفش مالهم المرادي .. ممكن يكونوا بيسرقوا أعضاء و لا بيبعو المرضى في سوق العبيد و يقولوا انهم ماتوا
نطلع عالتاكسي .. أيوه البتاع الأصفر ف أسود اللي زمان كان يحضن عليك و يبصلك نظرة مسكنة علشان يصعب عليك و تركب معاه و انت برضه .. بارد تروح مطلعله لسانك و تشاور لمشروع يقفلك سته و يقعدوا يتخانقوا عليك و لا كأنك الباشا أبو البشابيش كلهم !.. و دلوقتي طبعا تقعد سعادتك تشاورله و تجري وراه و تتذلله و تقوله أكفل طالب علم و ليك الجنه و هو برضه .. بارد يطلعلك لسانه و يمشي و يسيبك .. مش هو ده الموضوع المهم واحد صاحبي راكب تاكسي و بيتكلموا و الحوار وصل للدكاترة و عفوا بس الألفاظ الجايه من على لسان اتاكسجي مش أنا
- الدكاترة دول ولاد "..." .. تروح للواحد فيهم سليم يشمطك كشف قد كده .. و كلمتين و علاج ايه ..
-صاحبنا ساكت
-حبة شتايم كمان و الكلام يشد بعضه و بعدين .. و انت شغال ايه يا أستاذ
-طالب -فين -طب .. كلية طب
-مش تقول من الصبح و في سنة كام بقى
-أولى
-فاضلك كام سنة
- 5
- ليه هما بياخدوا ست سنين
-اه
-لا .. ليهم حق ولاد ال "..." يشمطونا
نرجع ليا بقى و في زيارة لناس قرايبنا .. أنا قاعد مع عمي و الراجل بيتكلم .. جت سيرة ان مافيش حد سليم وكل الناس تعبانه .. و الراجل بدأ يحكي عن أنه حس انه همدان حبتين راح للدكتور .. قاله تمام ما فيش حاجة .. معرفش ايه كده و شوية دهون ع المريء و اداله 6 أصناف دوا تلات مرات يوميا .. الراجل يا جماعه قال الكلام الجاي ده بالنص على قد ما الذاكرة تسعفني ..: قلتله ألا قوللي يا دكتور .. الا انت ما عندكش دهون ع المريء - ممكن .. هي مالهاش ضرر أوي بس ممكن تتعالج بالدوا .. ماشي يا دوكتورنا .. دلوقتي بيكلمنا احنا .. 18 برشامه .. اتخيل يا أستاذ .. ليه هو أنا عندي 90 سنه .. اه والله أقعد ابلبع في اليوم 18 برشامه .. تصدق بالله .. أنا جبت الدوا اللي عجبني و سبت الباقي .. و باخد حبة واحده ف اليوم .. 18 برشامة .. ده أنا لو ميه ميه حاموت من كتر البرشام
يعني من الاخر الناس دي طبيبة نفسها و الدكاترة بيخرفوا .. بس خلينا واقعيين .. 18 برشامه .. و الله أصدقها .. اصل انا كتير كنت باعاني من أن وداني تتسد .. و مش باحب اغسلها .. أروح لدكتور ممتاز فعلا و من أحسن دكاترة أنف و أذن .. يقعد يمسك الروشتة .. وهاتك يا دوا .. صنف التاني التالت و هيلا هوب .. لحد ما أقوله خالو بيسلم عليك .. خالك مين .. اقوله أسمه يوقف كتابه و يقوللي و سلملي عليه كتير ( اصله دفعته ) و يروح قايلي خد الدوا الأولاني ده و التاني مش أوي بس اعمل تمرين معين كده ببقك و انت تبقى أحسن و عدي كمان اسبوع .. و كده كام مره لحد ما تعودت .. أروح قبل أي حاجة .. على فكرة يا دكتور .. حالو بيسلم عليك .. سلملي عليه .، و صنف برشام و اشطة أخد منه يوم و لا يومين تفك و عمري ما رحتله الاستشارة .. يا عيني ع اللي مالوش خالو بيسلم ع الدكتور
دكتور و كل الناس تحترمك و ميه ميه .. بس قريبا حنبقى زي المدرسين الخصوصيين .. و زي مصاصين الدماء .. قوللي بقى .. انت دكتور؟؟ ما ترد يا ذئب انت و هو
مشروع ذئب بشري
الدعاية كما لم تكن من قبل
هناك 5 تعليقات:
بص انا كمان مبحبش الدكاترة عشان هما دلوقتى اصبحوا تجار مندوب شركة الادوية يزور الدكتور من هنا وتلاقى الدكتور لمدة شهر كل اللى يدخله يكتبله نفس الدواء اللى قبض تمنه من شركة الادوية
انا كنت شغال فى شركة ادوية وعارف
ربنا يكفينى شرهم
وخالى بيسلم عليك
عندك حق ..... أنا قبل كدة كنت راكب مشروع وبعدين ركب جنبى واحد اللهم صلى على النبى عينك متشوف الا النور ضلفة دولاب خشب سويدى عتيق المهم وحظى الاسود انى كنت ماسك البالطو الابيض - ويا ريتو ماكان ابيض- المهم الراجل اول ما ركب قعد يضرب اخماس فى اسداس ويتمتم بكلمات غير مفهومة ويصب اللعنات وبعدين قام مرة واحدة قال 3 فى البلد مبوظينها ومودينها فى داهية الهى يارب ما يوعوا يتمتعوا بالفلوس اللى بيخدوها حار ونار فى جتتهم: الدكتور والظابط والمدرس وقام باصصلى وقاللى صح يا ابو الكباتن؟ دخلت الباطو بالعافية وداريتوا ما بين رجليةوقلتلوا طبعا صح ...... هو فية بعد اللى انت قلتو دة كلام يا راجل شىء مقرف..... الدنيا ما بقاش فيها خير.... وقلت ب\أعلى صوتى : على جنب هنا يا أسطى.....ونزلت بكرامتى اه اصل الكرامة دى غالية اوى..... ولو حد فيكم بيتفرج على مسلسل حمد الله على السلامة اللى بيجى على القناة العتيقة القناة التانية حيلاقى طارق لطفى بيمثل دور دكتور انتهازى عامل عيادة فى الصعيد كل شوية يرفع الكشف وبيشتغل ابوه وبيبعتله يقوله انا بعالج الفقراء مجانا......
مش عارف دة سببه اية؟؟؟؟؟؟ هل احنا فعلا كدة والكلية والدراسة المقرفة وصعوبتها ومدتها الطويلة بتجبر الواحد بتخللى مبادءه ولا اية مش عارف؟؟؟؟؟؟ ولا الناس اتعودت تكره اى حد بيطلب منها فلوس.... انا شايف ان دة صعب يتناقش فى تعليق وعاوز تدوينة...... انتظروا تدوينتى القادمة"مش عايز أبقى كدة"بعد اذن المعلم حبيبة طبعا
المسألة مش دكارة بس .. هيكل قالها كلمة: "نحن نعيش زمن الرداءة" .. كل شيء رديء، و اللي مش بايظ دلوقت قدامه شوية و يبوظ .. و سلم لي علي خالك
المسألة فعلا مش دكاترة بس لكن أي رسالة زي الطب أو التعليم وما الي ذلك أول ما تتحول لتجارة واستغلال مادي بتبوظ خالص.
ده يا ناس يسرا لما طلبت من جوزها انه يبطل عمليات الاجهاض ده قاللها تستني شوية لحد ما يحوش قرشين يأمن بيهم مستقبل العيال وهما عايشين في فيلا بسم الله ما شاء الله وعندهم واحدة تانية أساسا.
خللي خالك وصاحبه يأمنوا مستقبل عيالهم وسلملي عليهم
إرسال تعليق