تنويه : أهمية هذه التدوينة فى تعليقاتكم.... فلا معنى لوجودها بلا تعليقاتكم
مش عارف لية حبيت أختلف عن التدوينات بتاعتى اللى فاتت-"القليلة" عشان محدش يزعل-....... وباطلب من كل واحد فيكم دلوقتى" ادينى عقلك وامشى حافى".......بأسلوب اخر شغل دماغك.......ويارب نفهم .....المهم حاحط دلوقتى مجموعة من الأخبار والفوازير والخ.....وحاطلب من حضراتكم طلب باللون الأحمربعد هذا الخبر....... ياريت لو تكرمتم تنفذوه.......أظن أننا فى كلية طب والمفروض بأقول المفروض اننا نكون بنفهم....... وبأعيد من تانى أن هذه المينى تدوينة لا تساوى شىء بلا تعليقاتكم.......ودلوقتى طفى النور واقلع شرابك واربط دماغك وطير معايا......
فزورة:واحد ماشى فى سكة سفر......عايز يوصل بلده....لقى قدامه طريقين طريق يمين وطريق شمال...... هو مش عارف أنهو طريق يوصلوا.......على قمة الطريقين دول فى بيت.... البيت دة فيه واحد كذاب وواحد صادق......تمام كدة؟ تمام......حيخبط على الباب.... فيه واحد منهم حيفتحلوا-ما يعرقش مين اللى حيفتحلوا الصادق ولا الكاذب_ حيسأل اللى حيطلعلوا سؤال واحد بقول سؤال واحد بعديه حيعرف أنهو الطريق الصح؟؟؟؟؟ ماهو هذا السؤال؟ "جاوب على الفزورة واللى حيجاوب ممكن نعتبره ملك المدونة لمدة أسبوع طبعا بعد الأستئذان من الدائخ باشا"
حكمة: كل مأذون له شارب طويل ولحية أطول ليخفى ابتسامة الشماتة "اترك تعليق أو خاطرة"
حكمة:لا تخش من صوت الرصاص فالرصاصة التى ستقتلك لن تسمع صوتها "اشرح....هاها فكرتك بامتحانات الثانوية العامة أكيد"
خبر:من جريدة الأهرام:فوجىء طلاب أحدى المدارس الأمريكيةالثانوية باحدى البنات تدخل عليهم وهى تتعرى قطعة قطعة فساد الهرج والمرج فى الفصل .....وذلك بسبب خطأ شركة الهدايا حيث أرادت أم أحد الطلاب أن تفاجؤه بهدية فى عيد ميلاده .... فاتصلت بالشركة وطلبت منهم ارسال مهرج الى المدرسة ليحتفل بابنها..... فحدث هذا الخطأ..... على نفس وتيرة لا تشرب الدواء الدواء فيه سم قاتل !!! "فى رأيك ماذا كان سيحدث لهذه الراقصة لوأن هذا حدث فى احدى المدارس الثانوية المصرية؟؟؟؟؟؟؟ برجاء مراعاة الاداب العامة فى التعليق
خبر:من جريدة الجمهورية: انتشرت فى جامعة السادس من أكتوبر ظاهرة غريبة وهى وجود عدد من الطلبة اشتهروا بين الدفعة بتأليف القصائدالغرامية....... وليست هذه هى المشكلة ولكن المشكلة أن هؤلاء الطلبة يقومون بتقاضى مبالغ مالية جراء هذا........ فيقوم الطلبة الاخرون بالذهاب اليهم ويخبروهم باسم من يحبون ويأتى اليوم التالى وقدألف هذا الشاعر_ لوصح التعبير_القصيدة ويتراوح سعر القصيدة الجامدة بين 35 و50 جنيه!!!!!!"فى رأيك هل سيأتى اليوم الذى نرى فيه حبيبة واقف على باب كاريزما بالنضارة السودة والحتة الجينز والناس عليه بالضرب؟؟؟؟؟؟؟ ولا الدائخ وهو واقف وفارش فارشة قدام الجوالة وهو بيقول"قربى يا مدام هنا القصيدة التمام.... قرب يا بيةالقصيدة ب5 جنية...... قربى يا انسة قصيدة وعليها مكنسة؟؟؟؟؟؟؟؟؟ ولا المهيس الأكبر هو ومجنون الجنة وماشيين الاتنين ومعاهم "زكيبة قصائد" والتأليف فى التو واللحظة... لأ واية كل قصيدة عليها قصيدة مجانا... ونفعنى وأنفعك ربنا يستر وما يجيش اليوم دة..... خاصة مع تدنى المستوى الاجتماعى للدكاترة.......
الدعاية كما لم تكن من قبل
هناك 5 تعليقات:
عاجبنى جدا اسلوب كتابتك.... وطريقة فى تناول الموضوعات من ساعة مقال البرادعى ومش عايز ابقى كدة.....
اما بالنسبة للمرة دى فجميل بس انا ما اعرفش حل الفزورة وما اعرفش مين حبيبة دة ولا الدائخ ولا المجنون فما اعرفش برضه وما ليش طاقة اشرح.... سلام يا مان
الفزورة عدت عليا بس مش فاكرها
ربنا ستر ان ما كانتش الهدية دي حصلت في مصر و الا كانت الغلبانة احتارت ترفع قضية نسب على مين ولا مين ، طلاب ولا مدرسين
القصايد و الله انا معاك يا جدع .. و اديك نسبة م الارباح بالنص انا 90 في المية و انت 10 .. زيفتي كريفني يعني ..
و على فكرة .. مستني منك هدية في عيد ميلادي ~_^
حبيبة والدائخ المجنون والمهيس هم باقي المهيسين في مدوناتنا تهيسة . نفسي أعرف مين اللي دخل ده وبيشكر في الوحيد اللي ما بيهيسش و شكلك انت يا (انا جدع ) ومش كاتب اسمك . اهه الأسم عندك تعليق :P
نسب اية وبتاع اية يا حج حبيبة.... الناس دى مش بتاعت خلفة بقولك بتقلع ......اية اقولها بالصعيدى... بتجلع بتجلع
و أخيرًا عرفت الحل
بس مين اللي كان قاله .. مين يا واد يا دايخ .. مين ؟
آه .. تقريبًا كنت أنت اللي قلته، و بناء عليه فأمانة النقل العلمي تحتم إن أنا ما أقولهوش لغاية ما يحد تاني يفكر و يجيبه
بالنسبة للرصاصة، فأكيد .. الإحساس بالـ pain
بيجي بعد الـ stimulus
سعادتك ..
و بما إنه في وضع مش حيقدر يفتح أو يغمض عينه - مالوش في روتانا يعني - يبق مش حيحس بجاحة
و هذا يجعلك تؤكد إن الخوف من الدمار ألعن ألف مرة من الدمار نفسه، لأنك ببساطة مش حتحس بالدمار ساعة وقوعه، قدر ما حتحس بيه طول ما أنت منتظره .. وقوع البلا و لا اتظاره يعني
إرسال تعليق