الدائخ تحت الميكروسكوب

طلب منى بعض الزملاء بعض تدوينة" أصناف وأنواع" أن أقوم بتحليل شخصيات المدونة...... ولأن وقتها الوقت لم يكن مناسبا.... فقد أرجأت هذا الى حين..... وللعلم فقد استأذنت من الشخصيات التى سأقوم بوضعها تحت الميكروسكوب ودراستها..... ولقد بدأت بالدائخ بعد قرعة قمت بأجرائها.... وللعلم ما سأ قوله ليس بالضرورة هى شخصية أخونا الدائخ .... ولكننى سأحاول من خلال ما درسته أن أبرزها لكم وأتحسس الكامى جيدا خشية الذلل أو الخطأو... استعنّا على الشقا بالله.

عندما تنظر اى شخصية مثل الدائخ تجد أنك من الصعب جدا بل من المستحيل أن تضعه تحت أى تصنيف من الشخصيات التى صنّفناها........ هو شخص ليس اجتماعىّ بالدرجة الكافية التى تجعلك تقترب منه وتصادقه..... ولكن ما ان صادقته ستكتشف بداخله كنوز لا حصر لها..... وفىّ جدا فى صداقته ..... متفوق فى دراسته....... ما أن تدخل من باب المدرج حتى تعرفه من أول نظرة ..... فلو انت دخلت من باب مرج 3 أو4 ... حتلاقى واحد واقف أقصى اليمين وماسك فى ايده نوتة صغيرة وقلم رصاص سنون وبيكتب الملاحظات امهمة فى المحاضرة...... اما لو انت قاعد فى مدرج 1 - على طريقة كابتن لطيف الله يرحمه- حتلاقيه قاعد فى البنش قبل الأخير وقاعد جنبه حبيبة والمهيس الأكبر وفى ايدة نفس النوتة الصغيرة ونفس اقلم الرصاص....... الدائخ شخصية متذبذبة بطريقة كبيرة- زيّى تمام-فلو انت قاعد بتتكلم معاه صعب أوى هو اية اتجهاته بالضبط.... الشخصية التى عرفتها فى اعدادى عنه غير التى معنا الان......... أنا أعرف أنه فى ثانوى كان حاجةتانية خالص......الدائخ معلوماته فى الكورة زى معلومات الانسان المصرى عن اديمقراطية.... فهو ما يعرفش عنها غير ان هى مدورة..... طيب القلب أوى........ ضحكته مميزة جدا تسمعها و انت معدّى من جنبه على بعد 500 متر......شخصية غامضة أوى لدرجة ان أنا تعبت عقبال ما عرفت أكتب عنه حاجة...... فيه عادة غريبة أوى وهو وانت بتتكلم معاه بيقعد يتفرس فى وشك بصورة مبالغ فيها كأنك قاعد قدّام وكيل نيابة......أسلوبه جميل ومميز لدرجة أن أنا لمّا بخش المدونة وأقرا حاجة ايه باعرف على طول انها بتاعته من غير ما أقرا اسمه......لسانه نضيف .... ممكن يصدمك بكلامه .... ممكن تقول ان كلامه دبش حبتين..... بس فى النهاية العيبة ما تطلعش من بقه........ما جربتش قبل كدة أخرج معاه.... مش عارف الخروجة معاه شكلها اية...... ممكن اخواننا المهيسين اباقيين يقولولنا..... بس فى النهاية هو شخصية جدعة ..... أنا خلصت ..... أنا حاوت أرسم خطوط أساسية لشخصيته والله المستعان.