استغلال سلطات

اكتشفت مؤخرُا إن استغلال السلطة دا شيء ممتع جدًا، و لذلك حبيت استغل سلطتي كمدون قديم شويتين :) و أطلب طلب ..
هو طلب صغير من زوار مدونتنا الكرام ..
أنا عارف إن في زوار كتير، لأن العداد بيقول كده، بس مش عارف ليه ماحدش بيعلق .. مش مشكلة، المهم تتبسطوا و تهيسوا ..


جوجل نول - و دا البديل اللي بتحاول جوجل تطرحه لموسوعة ويكيبديا - عاملة مسابقة علي مستوي خمس جامعات (القاهرة - الإسكندرية - أسيوط - الملك فهد - الملك سعود) بهدف إثراء المحتوي العربي علي الإنترنت ..
ممكن تخش هنا تشوف الدنيا ماشية إزاي

أنا، الدائخ، و صديقي العزيز مزاجنجي مشتركين في المسابقة

دي مقالاتي
الصرع .. داء العظماء و العباقرة

مكافحة عدوى المستشفيات

مكافحة عدوى المستشفيات - الجزء الثاني

و دي مقالات مزاجنجي
الداء السكري .. مرض المضاعفات


تقييم المقال الفائز بيعتمد علي عدد الزوار، التعليقات، التقييم من القراء .. لذلك أنا بادعوكم تقروا المقالات دي، و لو عجبتكم أو استفدتم منها، مفيش مانع من تعليق صغير، بالسلب أو بالإيجاب، و تقييم المقالة .. زرار التقييم موجود تحت صورة المؤلف علي طول ..

طبعًا ما أنكرش إني عاوز أكسب و أطلع الأول كمان، لكن بجد، إن حد يستفيد من مقالاتي و يطلع بمعلومة مفيدة .. دا بالنسبة لي حيبقي زي الفوز و أكتر ..

لو كنت قعدت تقرا لغاية ما وصلت هنا يبقي شكرًا جزيلاً، و حأكون متشكر أكتر لو استجبت لطلبي ..

شكرًا مقدمًا ..

أنا على تيييت يا رجااالة

باعتذر يا جماعة عن خرق فترة الصمت اللى عاملينها هنا فى تهييسة........

بس الموضوع يستاهل.... على الاقل بالنسبة ليا......

من فترة ليست بالوجيزة... كنت عملت هنا حاجة كدة .. سمتها تجربة اذاعية ......... وكنت فرحان بيها ......

المهم.... انا ماسكتش .... بعتت لتيت راديو.... والحمد لله أذاعوا الايتم اللى بصوتى.......ولان تهييسة مشاركانا فى كل حاجة ..... فى فرحنا وحزننا ... حبيت أخليكو تشاركونى فى التجربة دى......

انا بتكلم باسم"جدع حتى الثمالة "........ عن " شعوذة التنمية البشرية"....رابع واحد بيتكلم......

خش واسمع يا مواطن.......

http://www.teetradio.com/