29.9.07

سلام مربع

سلام مربع مدور مثلث فلة و تمام ..
لكل الأطبا الأحبا اللي درسوا و اتهرسوا و اتفرسوا و طلعوا سُلام ..
من غير اكتئاب، بارانويا، أو انفصام ..
أو عاهة مستديمة، شلل، كُساح، أو حتي زكام ..
بس يا حسرة، دول قلة قليلة ..
شوية وسط الزحام ..
ألف طالب و زيادة حبتين ..
يطلع منهم دكتور عدل أو دكتورين ..
و الباقي بالظبط .. أمير الظلام ..

و سلام يا جدع

سلام مربع مدور مثلث، كمان و كمان ..
لكل الدحيحة الحرّيتة بتوع زمان ..
اللي دخلوها فلة شمعة منورة ..
طلعوا منها فسيخة شكمان خرمان ..

و سلام يا جدع

سلام مربع مدور مثلث من غير تهييس ..
لكل من صدق و اتأكد و آمن ..
إنه دخلها سليم، طلع منها تيس ..
و إنها كلية نيلة ماشية بالنيلة و عايشة بالنيلة ..
و شغالة بالتكويس ..
كلية زي الدزمة القديمة ..
كلية
hopeless case ..

و سلام يا جدع

سلام مربع، كبير و متضلع ..
لكل من استبيع و قال يا اقتحام ..
و دخلها بمزاجه و كتبها بنباهة ..
طلب أولاني في استمارة الإعدام ..
و فاكرلي روحه حيعملها و يفلح ..
و يستمر للأمام ..
سلام مربع مكلكع ملعلع مشخلع مبرطع مجعجع ..
من هنا .. لألف عااااااااام ..

و سلام يا جدع





ليست هناك تعليقات:

Related Posts with Thumbnails
 
Share
ShareSidebar