3.7.08

أحلام الفتى الدائخ - الحلم الأول



الحلم الأول: عصفور الأمازون
يبدأ الحلم بمشهد من غابات الأمازون يظهر فيه عصفور مزعج يملأ الدنيا زقزقة كأنه راديو الشرق الأوسط .. و وسط هذا الإزعاج يظهر صياد يضرب العصفور المزعج هذا بسهم المفترض أنه سام، لكنه لا يفلح في أن يصيبه إصابه قاتلة و يطير العصفور ..
المشهد التالي أري نفسي أنا و والدي و أخي - لست أدري ماذا جاء بنا - و ق وقفنا فوق أسطح أحد العمارات في قلب الغابة في مواجهة فيلا في نفس الارتفاع (!) و المفترض أننا في انتظار العصفور .. بعد قليل خرج العصفور من أحد النوافذ يحاول الزقزقة فإذا به يزأر كأسد هصور، فهبطت فزعًا من السطح إلي الدور الأرض من نفس العمارة بقفزة واحدة تخترق السطح لأهبط علي سرير من طراز الأعمدة النحاسية و الناموسية و لم يكن ينقص سوي أن أجد سي السيد نائمًا عليه .. المهم أنني وجدت آله حاسبة من طراز كاسيو و قد كُتبت أسماء أزرارها باللغة العربية .. قمت بتشغيلها فإذا بعرض صور يظهر في الهواء كأن لوحة بيضاء من تلك التي يعرض عليها االـ data show قد نُصبت في الهواء .. كانت الصور لعدد من الطائرات الحربية التي كان من بينها الفانتوم .. ضغطت علي زر جتا فإذا بالطائرة الفانتوم تخرج من الآلة الحاسبة منطلقة نحو النافذة لتخرج منها و تطلق صاروخًا علي أول شجرة تقابلها .. و بعد أن خرجت إذا بالعصفور الخارق هذا قد تضخم حتي لم يستطع أن يدخل رأسه من النافذة الوحيدة بالحجرة و يزأر مرة أخري ..
المشهد النهائي و الأخير كان فيه فتاة صغيرة تنام علي حجر جدها - علي ما أظن - و بيدها عروسة قماشية تشبه العصفور .. مرت بها شابة في مقتبل العمر .. أمسكت بالعروسة فإذا - علي مسافة بعيدة، و بطريقة المونتاج المتقاطع - بالعصفور يتحرك مع كل حركة تتحركها العروسة .. و في النهاية - و لست أدري لم - دمرت العروسة شر تدمير، لتنتهي أسطورة عصفور الأمازون !





هناك 6 تعليقات:

mazagangy يقول...

ههههههههههههههههههههههههههه
هو ده الرد الوحيد الذي ينطبق مع احلام الدائخ
واحب اقولك حاجة يادائخ ( ابقى اتغطى كويس توو وانت نايم )
لو منفعتش الحكاية دي معاك ليك عندي علاج .....؟
جيب شوية ميه وسأسأهم في شوية مية وبعدين.....اشرب كوباية بعد ما تنام و واحدة قبل ما تصحى .

هههههههههههههههههههههههههه

غير معرف يقول...

بص يا باشا
بالنسبة لموضوع السأسأة .. حأفكر، بس ما أوعدكش .. أصل الدكتور محرج عليّ ما أروحش السينما .. احم احم .. قصدي موضوع الميه بيعملي حساسية و لذلك ما بأحبش اتغطي خالص غير ع الفجر ..

و بعدين عاوز أعرف .. أحلام سعادتك هي .. ؟ .. ما تسيبني يا أخي أحلم زي ما أنا عاوز .. دا أنت لما تسمع اللي جايين مش حتعرف تعلق م كتر الضحك .. اصبر

عبدالرحمن كمال يقول...

يا لااااااااهويييييييييييييييي
يا نهار أخضر
الواد اتعبط من الإمتحانات

SKOBL- Little Lazy Me يقول...

بص يا عبد .. الوضع ده مش مريحني .. أنا اللي عارف البلاوي الجاية صحيح مش كلها بس يعني شغال ..بس أحب يا باني أطلب منك طلب اذا كانش يضايقك لو سمحت من فضلك تحاول تنفذه .. بالراحة على السادة القراء شويه .. يعني كل اسبوع حلم يبقى حلو أوي .. على فكرة أنا برضه أحلامي من النوع الرهيب المعاني ده بس أنا نادرا ما بأحلم ..
المهيس الأكبر .. فين النشاط يا راجل .. ده انا كنت فاكر حاجي ألاقيك مالي البلوج .. يا كسلان
مزاجنجي .. عايزيني حتتين من بتوعك
و لكم كل التحيات

Unknown يقول...

والله يا عبد انت حالة طبية نادرة ......... فمن المعروف علميا ان الحلم لا يحتوى على مثل هذا الكم من التفاصيلالدقيقة ..... يا اخى دة انت فاكر نوع الالة الحاسبة ..... والكلام دة مالوش معنى من اتنين يا اما بتستعبط يا اما بستعبط ..... خف شويىة يا عبد على الناس .... مفيش فعلا غير طلبة طب اللى بيحلموا الأحلام الفقر دى.

فركوشة يقول...

انا بجد مضحكتش الضحك ده من ساعة مدخلت كلية الطب بس بجد تهيييس جامد قوي
وانصحك يا دايخ تاخد دواء حلو قوي اسمه سارك او تاخد ginkgo biloba

اما بالنسبة للهلوسة خد calmepam
, شكلك كده لسة في اولي كلية لان في حكمة بتقول (ليس صعباً أن تعرف طالب الفرقه الأولى....إنه الوحيد الذي ما زال يبتسم!!)

Related Posts with Thumbnails
 
Share
ShareSidebar