انا حقيقي آسف

يا جماعة أنا شايف تدوينات عن المدونين الكسالى وكلام كده وبقولكم حقيقي أنا آسف ، بس أنا كنت في حالة نفسية لا تسمح بالإبداع على الإطلاق ، وكنت بشوف تعليقاتكم في الميل بتاعي ولأول مرة أتجاهلها وما أردش وما شاركش في الحوار ، ان كنتم زعلانين مني انا زعلان من نفسي أكتر ، وعلى العموم انا حرجع أكتب تاني في المدونة بس إدوني شوية وقت ، ، انا بجد يا جماعة كان لازم اقعد مع نفسي في لفترة اللي فاتت وأشوف انا رايح فين وأراجع نفسي واشوف بالظبطت انا عاوز إيه من حياتي ،

أنا عارف يا عبدالرحمن إنك من يوم آخر مكالمة شكلك متغير من نحيتي بس انا عايز أقولك ان ده كان الحل الوحيد اللي قدامي في الوقت ده بس بعد كده انا غيرت كلامي معاهم وقلتلهم اللي انا قلتهولك
انا عارف إني بالحوار النفسي ده حقلبها مدونة حريمي بس يالا مش مهم :)))
بس حقيقي يا جماعة متزعلوش مني عشان انا انقطعت لا حس ولا خبر بس الدنيا مشاغل بعدين باركولي مش مسكت مهمة اسقبال الطلبة الجداد في الكلية مع الجمعية العلمية ،
بالمناسبة يا عُبَد مش بديوي انتخبوه تاني إول إمبارح بعدد أصوات أقل من السنتين اللي
فاتو (10 مع 1 ضد 1 متتنع ) السنة اللي فاتت كان (100% مع) ههههههه
بعدين يا عبد إيه الجمال ده نزلتلهم قصة السيف كمان (انا بحبها على فكرة ) ، والناس نازلين هاتك يا مدح ، استمر يا بطل على رأي بديوي ما انت حلو اهه
بس عايز استفسر منك على حاجة : انت كنت حاطط في الفيس بوك إنك
(overseas)
يعني إيه ؟ انت مسافر ولا إيه ؟
وآخر حاجة عايزك معانا يوم السبت إن شاء الله في الجمعية في تدريب حلو عن مهارات التواصل (كومانيوكاشن سكيلز)
هههههههه
بعدين يا جماعة كلكم مبروك النجاح و عقبال كل سنة وخلونا نسمع منكم ،
و حبيبة : شكرا على الرنة (من شهر تقريبا )هههههه
وانتظرولي حاجة قريب

المهيس الأكبر