ذباباووي

ما تستغربوش من الاسم او متتقرفوش منه
بس اكيد كل واحد عارف ايه اللي بيعمله الدبان وخاصة في الصيف
وبعد كدة اكيد هيكون للدبان نصيب من الحوار العالمي خصوصا بعد ما اصبحت الانفولونزا
تصيب جميع الحويانات فلا مانع من ان يكون هناك انفلونزا الدبان

انا هلخص واجيب من الاخر
عموما الدبان منه انواع

اولا: النوع الرزل

وده نوع انتشر بشكل مستفذ وعليه برادة
تخرج الواحد من هدومه
وغالبا يكثر في الصيف بسبب الحر
بس ممكن يكون في الشتى
ده انا مرة كنت بذاكر في امان الله وفجأة اذا بدبان دكر رزل
يحوم علىّ وكأن له ثأر عندي ( بالبلدي مش سايبك انهاردة غير اما طلع ....)
وانا اكتر حاجة تضايقني الدبان
سيبت اللي في ايدي وقفلت الاوضة ( الحجرة ) ويانا يا هو في البيت
وبعد مناورة دامت مايقرب من نصف ساعة تمكنت من قتله بعد ان اصبح الكتاب
والاوضة ليس لهم ملامح نهائيا

ثانيا : النوع المزواج

وده نوع بصباص تلاقيه راكب فوق دبانة وهاتك يا ....
مفيش حد ادّه وغالبا ما يكونوا على زجاج الشباك

بس انا مرة شفت دبان رومي زانئ دبانة بلدي مش باين منهم غير الانتينّة

وهذا النوع غالبا ما يصدر عنه الزن ( نتيجة التفاعل بين ...)

ثالثا :النوع الاكروميجالي

وده نادرا اما تلاقيه ولو شفته تلاقي الدبان بسم الله ما شاء الله
صوب ...الواحد في حجم كورة البينج وده لانه اتنفخ من اللي بيشوفه
وده غالبا موجود في مصر وانتوا اكيد عارفين ليه ( بقولك اتنفخ ...)

رابعا : النوع المسالم

وده نوع كافي شيره خرّه لا بيهش ولا بينش
وغالبا ما يكون لازء عل الشباك وبيقولك تعالى موتني

خامسا:النوع المتكيّف

وده نوع ترش عليه بايراسول يقوك كمان
تجيب فليت وترش تعمله دماغ فيلبدلك في البيت
متكيف ببلاش ... النوع ده ماترشش عليه خالص وهو هيمشي