قمرا عشقت لكن باعني زي البشر
ليه مذهول كده يا قلبي انه غدر ؟
قال يعني يا قلبي ما كنتش تعرف إن
قمر السما ليلاتي مع كل عاشق سهر ؟
---
عشقتة وكتبت اسمة على الشجر
حبيته وعشقته وعجبيته بكل الصور
حبيته لكن طلع خسيس منافق
آية المنافق إنه
إذا خاصم فجر
----
غلبانوالله قلبي وياما صبر
شال من غدرها فوق طاقة البشر
ولو حبي في يوم أراد الحياة
مستحيل ان يستجيب ليه القدر
----
وآدي كام رباعية من غير معارضة لقافيتك
:
يالي عشقت القمر عشقك على فاشوش
الكل ليه في القمر ومين مالوش ؟
والقمر في السما سهران ليلاتي ينادي
يا هل ترى من الناصح اللي معشقهوش ؟
----
يالي عشقت القمر وعارف قد إيه بعده
حتموت نفسك عليه وفاكر حتندبح بعده
دا عشاقه بصوا لفوق لقوه يقول يالا
اللي راح عبيط واللي عجز دا كان يوم سعده
-----
حبيته وحبي وصلني لحارة مسدودة
يا حارس القمر وفرصتك محدودة
"يا خيال مقاتة وحارس غيطان حبك
ما شفتش الغيط بتاكله منك الدودة ؟ "
----
ديه ليك انت يا عبد
يالي بتحب القمر و عمال تقول عجبي
بتلوم عليا اني في يوم قليت عليه أدبي ؟
لما تشوفوه وتعرفه وتلمس قسوته
غضبك ساعتها مش حيقل عن غضبي
وعجبي
والله قلبت عليا المواجع ياد :))
الدعاية كما لم تكن من قبل
هناك تعليق واحد:
لا تعليق
بجد هى حلوة قوى لدرجة انى مش عارفة اقول حاجة
إرسال تعليق