20.10.07

امن دوله

و انا نايم في نص الليل
سمعت خبط ع الباب تقيل
تقولش جالي عزرائيل
واتنفضت من السرير
و لسه كان صوتي الشخير
فتحت بعد خبط كتيير
لقيت لي طور و اتنين حمير
كان ما فيش ريحه اللياقه
شدوني قطعوا البيجامه
انتوا ميين انتوا هجامه؟؟؟
امن دوله يا ابن اللمامه
و بعد تلطيش و اقلام
بعديها كام شلوت تمام
تليها ضربه تحت الحزام
خلوا الشقه علي البلاط
بيدوروا علي منشورات
قلتلوا دا انا غلبان
دا انا مبقراش الجرنان
قاللي قوم يابن الجربان
و متعمليش حوارات
اب بالمعلوم لاقوم
اخليك مكسرات
و فجأه بص جنب الباب
واتسمر ولا الجعان
قدام اكله كباب
و قال اه يا ليله هباب
و انا وراه قلت اه
قاللك سيبوا ابن التعبان
شكلي غلطت في العنوان !!!!!!!!!





ليست هناك تعليقات:

Related Posts with Thumbnails
 
Share
ShareSidebar