جميلة هى تلك اللحظات التى يتقمص فيها المدون شخصية كاتب كبير ...... ويبدأ فى سرد أشياء متعلقة بحياته ......ولأن هذا ممتع بالنسبة للكاتب -لو اتفقنا على هذا الاصطلاح-وغير ممتع بالمرة للقراء.... ولأن هذا أصبح نداء داخلى يلح على كثيرا فى الاونة الاخيرة... فلقد قررت تلبية هذا النداء
أفلام دخلتها وأنا صغير وما فهمتش منها حاجة:
المنسى-طيور الظلام-forrest gump-فيلم أجنبى اسمه ميت تحت الماء
أفلام دخلتها وانا كبير وندمت على دخولها :
معالى الوزير-شباب على الهوا- علشان ربنا يحبك"دة بقى انا كنت بعيط جوة على 8 جنيه اللى انا دفعتهم وقتها"-the room 1408
أشياء أكرههها :
المحفظة" بتحسسنى بالتقييد "-الترماي-اليوم اللى حاروح احلق فيه اللى باقى من شعرى-المذاكرة بالغصب-الشاب السنكوح -لغة الفرانكو-واحد فاهم انه أذكى منّك وبيشتغلك
أشياءأدمنتها:
الشنطةاللى باشيلها على ظهرى وبحط فبها حاجتى-طبق البيض الأومليت-الفرجة على فيلم الهروب بتاع أحمد زكى -عصير الجوافة باللبن-صفحة ضرية شمس بتاعت الدستور - القاء الشعر
كتّاب بحب أقرالهم :
سلامة أحمد سلامة - فهمى هويدى - محمد سلماوى -انيس منصور-أشرف عبد المنعم فى الاهرام يوم الجمعة-ابراهيم عيسى طبعا-محمد عمارة-سناء البيسى
كتاب نفسى يستقيلوا :
محمد على ابراهيم رئيس تحرير الجمهوربة -ممتاز القط فى الاخبار - سليمان جودة فى المصرى اليوم
وللحديث بقية
24.10.08
أشياء ... وأشياء
هيسها معكم
غير معرف
الاشتراك في:
تعليقات الرسالة (Atom)
الدعاية كما لم تكن من قبل
هناك 6 تعليقات:
دا أنت تلفان
حد يكره فيلم معالي الوزير يا راجل .. دا من أجمد الأفلام اللي ممكن تتفرج عليها في حياتك كلها ..
و بعدين طبق بيض إيه و عصير جوافة إيه .. و أنا مالي أنا ؟! أما عالم غريبة صحيح ..
بس بجد .. صباح التهييس .. تلفاااااان
:))
ماله فوريست جامب بس؟؟
معظم الكتاب اللي بتقرا ليهم رائعين بجد وأنا مدمناهم
على فكرة أنا من القراء اللي بيحبوا بوستات الفضفضة
فعلا هي بتقرب الكتاب الكبار من القراء
:P
عم الدائخ :مش حقلك شكرا على التعليق لأننا زملاء مدونة واحدة ....اللى انا كنت عاوز أقوله أن ساعات الحاجات بتبقى كويسة ... بس الظروف اللى بيتعرّف بيها البنى ادم مننا على الحاجات دى بتبقى صعبة.. ودةاللى حصل معايا فى فيلم معالى الوزير.....سينما مترو وما أدراك ما سينما مترو ... سن غير مناسب الى حد كبير لفهم مغزى الفيلم وقتها ... صوت وحش جدا ... واستياء عام وسط الناس اللى قاعدة معايا تتفرج علىالفيلم .... تكونت عندى صورة ولحد دلوقتى مش راضية تسيب خيالى.....
أما يا سيدى على " تلفان "... فأنا بقولك شكرا ... ففى بلادنا نحن المهيسين... صبحت كلمة تلفان وسام يوازى وسام الدولة من الطبقة الاولى
ojg:انتى بقة شكرا على المرور ...بالنسبة لفوريست جمب ... فأنا وضحت ان انا دخلته وانا صغير.... وصغير دى يعنى أول ما نزل الفيلم سينمائيا فى مصر .. عارف ان الفيلم اخد الاوسكار فى كذا حاجة... بسالمشكلة انى دخلتوا مع اخويا الكبير-اللى مهووس بالافلام الاجنبى - وسنى ساعتها كان يسمحلى بس انّى اتفرج على ميكى وبطّوط ... وشكرا تانى على المرور
بقالى كتيييير مدخلتش المدونه وده لاسباب ترجع لظروف النت وكده على ماقدمت وجالى المهم
لقيت المدونه بقت حلوه قوى بجد والله بقت حقيقيه وانسانيه اووووى وفيها منير وبتاعD:
برافو عليكو يا ولاد وفعلا انا ممكن استغنى عن اى حاجه الا صفحتين ضربة شمس فى الدستور الاسبوعى
وانتو واحشنى جداا والله وحبقى احاول اجيلكو قريب ان شاء الله ...انا حولت اسنان يارمضان على فكره D:D:D:D:
مرعى باشا... والله شرفتنا يا عم ... ايه يا جدع فينك . هو احنا لازم كلنا نخش نعلّق عشان تيجى تعلق عندنا ... مش مشكلة ... أما بقى خبر التحويل دة فوالله العظيم انا زعلت.... مش على حاجة بس لانك بجد كنت شخص عزيز علينا اوى .... بجد انا اتفاجأت.....مش حقلك حاجة غير ربنا يوفقك ويؤيدك ويثبتك ... امين.
يعني هو كله ادلى بدلوه و أنااللي ناقصني دلو يعني ...
أولا أتفق مع الدائخ على ان معالي الوزير فيلم يحسب للسينما المصرية ... فيلم مليان معاني بس أنا أكتر حته باحبها حتة : حوافز و اوفر تايم
و ماله 1408 .. ده انت تعبان يابني
على فكرة البيض الاومليت ده أنا مبدع فيه و ابتكرت أنواع جديدة زي البيض بالسوداني و خلافه ... ده انا حاعمل كتاب استاذ سكوبل للبيض المقلي قريبا
أكتر واحد باحبه في كتابك أنيس منصور ... بالذات بتاعة يوم الجمعه .. ههه يلا سلام
و لك كل التحيات
إرسال تعليق