كان ابن خالتي الصغير و بالمناسبة ده داخل اعدادي بايت عندنا و سهر هو و أخويا يشوفوا فيلم الهجرة .. و الظاهر أن حماسه للغة العربية الفصحى غلبه أوي لأنهم بمجرد ما خلصوا الفيلم و جايين على الأوضة اللي أنا فيها بأقرا العربي الكويتي و باسمع مزيقا ( و ركز معايا على مزيقا دي ) م أنا أصلي ساعات بابقى اخر روقان .. سمعت صوته بيجلجل في نص الليل يقول لأخويا : هلبوا يا رجال .. أنا انصعقت في مشاعري اللغوية لما تصورت ازاي هلموا بقت هلبوا ..
كان ممكن أعدي الموضوع على أساس ان ابن خالتي بيسخن على أخر الليل و ما عندوش تايمر يفصله عند درجات الحرارة الخطرة .. لأنه تاني يوم كنا قاعدين بنشوف الناصر صلاح الدين و بعد أكتر من ساعة و نص من المشاهدة الساكنة .. فتح فمه ، و يا ريته كان خلاه مقفول لأنه سألنا سؤال قوي أوي : مش ده عمرو بن العاص ؟؟ و هكذا انفجرت أنا .. جامدة يا هيما .. و الله كانت ساعتها صاروخ .. كان ممكن أعدي الموقفين بس بما أني بقالي مدة مش باكتب رغم امتلاء نفوخي بالمواضيع .. قررت اني حناقش الموقفين ..
ايه اللي بيحصل .. الجيل اللي طالع جديد ده مش بيقرا و لا بيدور على كتاب و لا حتى اذا لقى الكتاب بيفتحه!! هو الجيل ده جاهل ولا ايه ، أنا طول عمري كنت حاسس بالتقصير قدام ربنا في حق اخواتي الصغيرين لأنهم ما يعرفوش قصص الأنبياء .. و لأن المجموعة اللي أنا قريتها و أنا صغير اختفت و اللي هي من أفضل ما كتب للأطفال .. الي كان خلافها أخضر دي و كان كاتبها عبد الحميد جودة السحار مش لاقيها .. كنت باحاول دياما أشوفلهم كتيبات صغيرة فيها قصص الأنبياء و أتحايل عليهم عشان يقروها .. لحد ما يوم لقيت اللي كنت بادور عليه .. نفس المجموعة بتاعتي و أنا صغير ، و ياه على فرحتي .. جريت جبتهم و دخلت فرحان جدا و اديتهالهم .. و كان الكلام ده من سنتين ولا حاجة .. و حتى الان لما بأقولهم و ألومهم انهم ما قروهاش ترد أختي تقوللي ما أنا قريت قصة سيدنا نوح ، و سيدنا اللي اسمه ..و ما تفتكرش .. طب ده أنا كان لازم كا يوم قبل ما أنام و أنا صغير أقرا المجموعة كلها لدرجة اني كنت حفظت الايات اللي كانوا بيستشهدوا بيها في القصة .. و لحد دلوقتي بافتكر قصة سمعتها ان مجموعة كانوا بيتكلموا في الترام و وصلوا لمرحلة الحوار الديني و اذا بواحدة بتسأل هو في نبي اسمه سليمان؟؟!
دايما برضه باحاول أجيب العربي الكويتي زي ما أنا قلت و ان كنت مش دايما بأقراها لكن ساعات لما بلاقيش حاجة أعملها باخد كام عدد على بعض و أقراهم .. و كنت سعيد قوي لما لقيت العربي الصغير دي و قلت اهي حاجة رخيصة و كويسة و بنت ناس و تخلي العيال يقروا .. و اشتريتها .. و يومها فكرت أقراها و بقيت كل مرة أجيبها و لازم أقراها و عمري ما شفت حد من أخواتي ماسكها .. لحد من كام يوم ابن خالتي هيما برضه قالي ما عندكش قصص .. و لأن مجموعة ميكي اللي عندي منفية الي بيت جدو ، طلعتله عددين من مجلة العربي الصغير من مكتبتي الصغيرة اللي فوق المكتب ، الواد قرا و انبسط و بعديها بكام يوم بقيت أختي الصغيرة بتقرا في واحدة و بعدين بتقوللي .. دي جميلة أوي ، في تاني ؟؟ كدت أطير فرحا و قلتلها حتلاقي كتيير في المكتبة ، و لكني لك اراها أبدا تذهب لتحضرهم أو تقرأ فيهم .. ده كسل ولا كبر دماغك و لا ايه ؟؟ مش عارف بس الأكيد اننا بنبني جيل جاهل بكل معاني الكلمة .. دي أول مشكلة .. أما بقى اللي منرفزني أكتر ان حتى اللي بيقروا و يكتبوا و اللي هما مثقفين عندهم حالات عجيبة .. عندك مثلا .. ليه بيصروا يعربوا الكلمات تعريبات غريبة .. فنلاقي انهم بيترجموا group لكلمة " قروب" و ايه اللي قربها ولا بعدها بس .. لما العربي ناقح عليك أوي كده ترجمها مجموعة ، فريق .. أي كلمة ياخي .. و كذلك blog تلاقيهم يكتبوها " بلوق" و بصراحة أنا باكره الكلمة دي لأني باتخيل واحد عنده زغطة و ماشي يقول بلوق بلوق .. ايه يا جماعة ماهي عندك ليها ترجمة محترمة اسمه مدونة .. ما انت يا تقولها عربي يا تقوله انجليزي لكن ما تقعدش تفنن .. و الا كرة القدم تبقى سوققر و الموسيقى تبقى مزيقا و هلم جرا .. مش فاهم ليه أو ايه أو عشات ايه بس الوضع ما يريحش ، و اذا كنا ضحكنا على نكتة المدير اللي نادى و كرم الطالب علي حسن سلووكة .. و اذا كان استاذ العربي بتاعنا لما حكالنا ، حكالنا بتأثر عن الولد اللي سأله سؤال فالولد جاوب كويس فمن كتر اعجابه بالأجابة قاله مادحا : لا فض فوك .. الواد رد عليه و قاله : أهه انت !
معلش اعذروني كانوا كام ملاحظة حازقينني و زانقينني كده ع الماشي و تنبأ بالوضع الجاي .. عشان ما تستغربش أما يعملوا فيلم عن أيام الجاهلية و تلاقي البطل شفلحة بيقول : ألا هلبوا بنا يا رجال البلوقات لنذهب الى المسرح فنسمع بعض المزيقا ، و سحقا لأي قروب تريد جعل حياتنا هيلا ًَ
بقلم .. واحد حب يحكي
كان ممكن أعدي الموضوع على أساس ان ابن خالتي بيسخن على أخر الليل و ما عندوش تايمر يفصله عند درجات الحرارة الخطرة .. لأنه تاني يوم كنا قاعدين بنشوف الناصر صلاح الدين و بعد أكتر من ساعة و نص من المشاهدة الساكنة .. فتح فمه ، و يا ريته كان خلاه مقفول لأنه سألنا سؤال قوي أوي : مش ده عمرو بن العاص ؟؟ و هكذا انفجرت أنا .. جامدة يا هيما .. و الله كانت ساعتها صاروخ .. كان ممكن أعدي الموقفين بس بما أني بقالي مدة مش باكتب رغم امتلاء نفوخي بالمواضيع .. قررت اني حناقش الموقفين ..
ايه اللي بيحصل .. الجيل اللي طالع جديد ده مش بيقرا و لا بيدور على كتاب و لا حتى اذا لقى الكتاب بيفتحه!! هو الجيل ده جاهل ولا ايه ، أنا طول عمري كنت حاسس بالتقصير قدام ربنا في حق اخواتي الصغيرين لأنهم ما يعرفوش قصص الأنبياء .. و لأن المجموعة اللي أنا قريتها و أنا صغير اختفت و اللي هي من أفضل ما كتب للأطفال .. الي كان خلافها أخضر دي و كان كاتبها عبد الحميد جودة السحار مش لاقيها .. كنت باحاول دياما أشوفلهم كتيبات صغيرة فيها قصص الأنبياء و أتحايل عليهم عشان يقروها .. لحد ما يوم لقيت اللي كنت بادور عليه .. نفس المجموعة بتاعتي و أنا صغير ، و ياه على فرحتي .. جريت جبتهم و دخلت فرحان جدا و اديتهالهم .. و كان الكلام ده من سنتين ولا حاجة .. و حتى الان لما بأقولهم و ألومهم انهم ما قروهاش ترد أختي تقوللي ما أنا قريت قصة سيدنا نوح ، و سيدنا اللي اسمه ..و ما تفتكرش .. طب ده أنا كان لازم كا يوم قبل ما أنام و أنا صغير أقرا المجموعة كلها لدرجة اني كنت حفظت الايات اللي كانوا بيستشهدوا بيها في القصة .. و لحد دلوقتي بافتكر قصة سمعتها ان مجموعة كانوا بيتكلموا في الترام و وصلوا لمرحلة الحوار الديني و اذا بواحدة بتسأل هو في نبي اسمه سليمان؟؟!
دايما برضه باحاول أجيب العربي الكويتي زي ما أنا قلت و ان كنت مش دايما بأقراها لكن ساعات لما بلاقيش حاجة أعملها باخد كام عدد على بعض و أقراهم .. و كنت سعيد قوي لما لقيت العربي الصغير دي و قلت اهي حاجة رخيصة و كويسة و بنت ناس و تخلي العيال يقروا .. و اشتريتها .. و يومها فكرت أقراها و بقيت كل مرة أجيبها و لازم أقراها و عمري ما شفت حد من أخواتي ماسكها .. لحد من كام يوم ابن خالتي هيما برضه قالي ما عندكش قصص .. و لأن مجموعة ميكي اللي عندي منفية الي بيت جدو ، طلعتله عددين من مجلة العربي الصغير من مكتبتي الصغيرة اللي فوق المكتب ، الواد قرا و انبسط و بعديها بكام يوم بقيت أختي الصغيرة بتقرا في واحدة و بعدين بتقوللي .. دي جميلة أوي ، في تاني ؟؟ كدت أطير فرحا و قلتلها حتلاقي كتيير في المكتبة ، و لكني لك اراها أبدا تذهب لتحضرهم أو تقرأ فيهم .. ده كسل ولا كبر دماغك و لا ايه ؟؟ مش عارف بس الأكيد اننا بنبني جيل جاهل بكل معاني الكلمة .. دي أول مشكلة .. أما بقى اللي منرفزني أكتر ان حتى اللي بيقروا و يكتبوا و اللي هما مثقفين عندهم حالات عجيبة .. عندك مثلا .. ليه بيصروا يعربوا الكلمات تعريبات غريبة .. فنلاقي انهم بيترجموا group لكلمة " قروب" و ايه اللي قربها ولا بعدها بس .. لما العربي ناقح عليك أوي كده ترجمها مجموعة ، فريق .. أي كلمة ياخي .. و كذلك blog تلاقيهم يكتبوها " بلوق" و بصراحة أنا باكره الكلمة دي لأني باتخيل واحد عنده زغطة و ماشي يقول بلوق بلوق .. ايه يا جماعة ماهي عندك ليها ترجمة محترمة اسمه مدونة .. ما انت يا تقولها عربي يا تقوله انجليزي لكن ما تقعدش تفنن .. و الا كرة القدم تبقى سوققر و الموسيقى تبقى مزيقا و هلم جرا .. مش فاهم ليه أو ايه أو عشات ايه بس الوضع ما يريحش ، و اذا كنا ضحكنا على نكتة المدير اللي نادى و كرم الطالب علي حسن سلووكة .. و اذا كان استاذ العربي بتاعنا لما حكالنا ، حكالنا بتأثر عن الولد اللي سأله سؤال فالولد جاوب كويس فمن كتر اعجابه بالأجابة قاله مادحا : لا فض فوك .. الواد رد عليه و قاله : أهه انت !
معلش اعذروني كانوا كام ملاحظة حازقينني و زانقينني كده ع الماشي و تنبأ بالوضع الجاي .. عشان ما تستغربش أما يعملوا فيلم عن أيام الجاهلية و تلاقي البطل شفلحة بيقول : ألا هلبوا بنا يا رجال البلوقات لنذهب الى المسرح فنسمع بعض المزيقا ، و سحقا لأي قروب تريد جعل حياتنا هيلا ًَ
بقلم .. واحد حب يحكي
الدعاية كما لم تكن من قبل
