6.3.08

عوادم

عوادم كبسولية 6/3/2008


-- قال شوقي في عصره :
أحبك مصر وحبك في صميم القلب نام
سيجمعني التاريخ بك يوما إذا ظهر الكرام على اللئام
لأجلك رحت بالدنيا شقيا أصد الوجه والدنيا أمامي
وهبتك غير هياب يراعا أقوى على العدو من الحسام

ولو حضر عصرنا لقال :
أحبك مصر ولكن لماذا قد عز الخبز على الأنام
لأجلك رحت للتابور بدري أحمل قفصي وشومتي وحزامي
سيجمعني الموت بك يوما إذا للخبز نالني بسهم رامي
يحكم شعبك بالقهر أسدٌ ألين مع العدو من النعام

-- إيران تطلق أسم خالد الإسلامبولي على أحد شوارع طهران وتعلق صورته وتعتبر مطالبتنا بتغيير هذا الأسم شيء ثانوي في العلاقلت بين البلدين وكأن تكريم مغتال رئيس الدولة هو من البديهيات المسلمة في السياسة العالمية ، أقول هذا فقط لل مطبلين لإيران كمنقذ للعالم والديمقراطية من أمريكا
-- أمريكا تكتشف إنهيار جليدي في القطب الشمالي في المريخ ونحن نخفض ميزانية جامعة القاهرة و لا تعليق
-- إسرائيل ترتكب مذابح غزة ووزراء الخارجية العرب يلوحون بسحب المبادرة العربية ، أظن إسرائيل الآن ترتعد كلها خوفا من ضياع المبادرة عليها !!
-- حتقولي الفقرا ومشاكلهم دي مسائل عايزة التفانين
وأنا رأي نحلها رباني ونموت كل الجعانين
وبهذا محدش حيجوع
لو نعلن هذا المشروع
وحنقفل هذا الموضوع نهائيا ونعيش في تبات
أحمد فؤاد نجم
-- من أكثر نقاط منحنى حياتك إنخفاضا يبدأ الصعود





هناك 10 تعليقات:

غير معرف يقول...

طبعًا لابد لإسرائيل أن ترتعد
أمال إحنا هفأ يعني، و لا قصدك إن إحنا هفأ

و بعدين حاجة بالمنطق كده، ليه نديهم الفرصة إنهم يستريحوا من الرعب اللي همّا فيه، مادام همّا مش عاوزين

يشربوا رعب بقي

غير معرف يقول...

اتمني إن الارتفاع يبدأ

يا رب

عروسة ننوسة يقول...

ازيك؟ اخبارك ايه ميرسى على التعليق

غير معرف يقول...

مشكلة اللي بيدخل عندنا إنه فاكرنا واحد .. إحنا طبعًا كلنا واحد، باعتبارنا أصحاب أناتيخ، لكن ككتاب في تهييسة إحنا ست بني آدمين بيكتبوا

نفسي الحكاية دي تبقي واضحة علشان اللخبطة اللي بتحصل

SKOBL- Little Lazy Me يقول...

ده لو شوقي كان هنا كان غير حاجات كتير أوي .. بس بجد قشطة عليك يا ولا .. ضحكتني .. بس ما تبطل تخبيط في الحلل .. لأحسن بعدين أحلف ما أعرفكش ولا نلاقي البلوج متشمعة .. يا ستار استرها معانا
أما ايران فايران طول عمرها بتتبجح .. أفتكر في أول زياره لنجاد الى الخليج العربي .. ملك البحرين تقريبا بيقوله نورت الخليج العربي ..رد نجاد بعنطزة .. كان على أيامنا في المدرسة اسمه الخليج الفارسي .. يظهر سعادته ما كانش شاطر أو ما بيتغطاش كويس أما بينام

عبدالرحمن كمال يقول...

if u mean gannah , i think she knows we are two ppl coz i commented on her blog as well as u commented i think she put that reply for author of this certain post :P

Unknown يقول...

مش عارف حاسس انك متجنى على ايران.... على فكرة حكاية الشارع دى كانت من زمان.... مش لسة دلوقتى مش عارف اية اللى فكّرك بيها؟

عبدالرحمن كمال يقول...

طيب يا سيدي انا مبحبش إيران ، أحبهم بتاع إيه ؟ هو أي حد يعارض امريكا يبقى المناضل الثوري الجبار ؟ نسيت ووترجيت ولا إيه ؟ ولا هما لما يبقوا قوة عظمى زي امريكا هيحلولنا مشكلة الرغيف ؟ ولا يرموا إسرائيل فعلا في البحر يا عم صلي على النبي ومتعملوش زي المصريdن أيام الحرب العالمية التانية لما قالوا هتلر حيطلع الإنجليز الناس بالغت في حبه لدرجة لما قالوا الحاج محمد حسين هتلر وده مؤمن أصيل ، حبة وعي شوية !

عبدالرحمن كمال يقول...

إلى حبيبة : يا استاذي هو اسمة في المحافل الدولية كلها دلوقتي الخليج الإيراني (persian gulf) بسسب انهم يسعون لإثبات هذا للعالم من سنين مع إن إيام الخلافة العثمانية كانوا مبيشفوش ميته حتى يالا ما علينا

SKOBL- Little Lazy Me يقول...

ماشي يعني حتى الخليج ما عادش بتاعنا .. بص أناسعيد بمحاولة ايران للنهضهبس أنا كنت بناقش فكرة و هي تبجحه و استخدمتها للتدليل على ان نجاد ما بيعتبرش نفسه مننا.. نجاد ده بعتبر نفسه فارسي فارسي فارسي شيعي .. و هي دي النقطة اللي غايبة عننا .. المشكله اننا دايما بنحاول نخلق بطل أسطوري و لعجزنا عن ايجاده على ارض الواقع أول ما بنسمع ان السيد كوارع اللي يعرف خط الصعيد بيشتم أمريكا نرفعه على رؤوسنا و نخليه بطل .. بعيدا عن أختلاف الظروف المحيطة .. نفس الموقف حصل مع عبد الناصر لما جعلناه حامي أمجاد العروبة ورافع علم بني يعرب .. بس الفرق ان المرة اللي فاتت هللنا لواحد كان من ولادنا .. المرادي اتمسحنا في ولاد الجران ..

Related Posts with Thumbnails
 
Share
ShareSidebar