صباحو زبادى بالخلاط محطوط معاه حتتين فراولة بعد اكلة رز معمر جامدة تكون مع غدا فى اليوم اللى فطاره فطير بالذبدة مع كوباية حليب دافئة...... السلام عليكم.... على الله اكون جرّيت ريقكم ..... والله العظيم وحشتونى... اللى بيقرا لى واللى ما بيقراليش..... الناس المهيسة واللى مش مهيسة ...... مش عارف فيه حد افتقدنى ولا لا...... أكيد لا ما أنا سايب ورايا رجالة برضه...... بس اللى طرأ عليا الأيام اللى فاتت بجد انى أنا بدأت أحس أن تهييسة بقت جزأ منّى ...... بقيت أول ما أصحى أجرى أبص لو فيه تدوينة رايقة محطوطة عشان أقراها..... أو لو المزاج رايق أنى أعملها -مش فى الحمام- أعملها يعنى اكتبها عشان الناس اللى دماغهم بتروح لبعيد........ المهم أن الأجازة دى كانت ملك خالص..... تصوروا يا جماعة احنا أول مرة تاخد أجازة نصف سنة من ثلاث سنوات..... أى والله الكلام دة بجد مش هزارفمن كتر فرحتى بعد الامتحانات ما كنتش عارف أعمل اية ولا اية..... قمت نا يم فى السرير..... أى والله الأجازة كلها فى السرير.... وعشان الحلفان مفيش غير مرة بس اللى رحت فيها معرض الكتاب فى القاهرة...... فيما عدا ذلك فأنا فى البيت باستمتع بلذة النوم اللذيذة وخاصة فى الشتاء القارص مع وجود غطاء ثقيل فوقك وخاصة لو كان من نوع مورا الأسبانى..... يا هناك يا سعادتك..... أعتذر عن هذه المقدمة المطولة التى كان لا بد منها ...... ندخل فى الموضوع..... أكيد كلكم استغربتم من العنوان الغريب دة........ وأنا أعنى فيه كل حرف من حروفه........ ما أقوله اليوم هى صفة اكتشفتها فى نفسى أثناء فترة الامتحانات وهى أننى واطى بال مقارنة بالرحمة الالهية بى فى الامتحانات...... أنا وغيرى واطى لما باجى ايامالامتحانات ابتهل وادعى واعاهد وانسى كل دة بعد الامتحانات ...... انا واطى لأنّى ما با تعلمش من التجارب ...... و(( للحديث بقية
الدعاية كما لم تكن من قبل
هناك تعليق واحد:
بتهيألي رغم أن اللي عملته و كلنا بنعمله يعد شيء سيء فعلاً، لأننا بنعامل مع ربنا بالمنفعة .. طول ما أنا محتاج حادعي و بس .. رغم إن ده شيء سييء إلا أن كلمة واطي تقيلة شوية
أعتقد أن ندل حتبقي ألطف، لكن في النهاية ده رأيك .. شايف نفسك واطي براحتك !
إرسال تعليق