سنة أولي في إي حاجة هي أحلي سنة .. أول مرة دايما ليها طعم تاني .. افتكر معايا كده ..
افتكر سنة أولي سواقة عربيات .. أنا شخصًا لا عندي عربية و لا رخصة، بس عندي تجارب زمايلي .. عندك دقدق مثلاً .. أسطورة .. لما يحب يبص وراه بيبص وراه .. ما بيعترفش بحاجة اسمها المرايات .. ده غير إنه خبط العربية حسبة 15 مرة في شهرين .. و تخصص بلاعات .. يرصد البلاعة من دول يبقي مزاج دخل فيها و طلع تاني !
عندك مثلا بيسو .. ده دماغ لوحده .. مرة وقف دوران سموحة - دورانة مهمة ف إسكندرية - علشان المسّاحة الخلفية وقعت .. طبعًا يا ريته وقفه بهدوء .. ده جه ف نص الدوران و قام إييييييء .. مفرمل مرة واحدة السواقين كلهم فعدوا يسبوا و يلعنوا لما اتشكوك شتايم ..
افتكر سنة أولي كلية .. أول مرة تحس إنك حر .. و إنك ف نفس اللحظة مربوط بألف حبل.. تحس إن الدنيا بقت ف البلالة بس لو البلالة أخدتك حتروح بلاش .. افتكر معايا السذاجة باعة أول سنة و أنك لازم تحضر كل المحاضرات و تقلق قوي لو فوت محضرة و حس بالذنب علشان اتأخرت تلات دقايق علي معاد السكشن ..
افتكر كده سنة أولي كتابة ف مدونتك، أو موقعك الشخصي .. كتابة حرت فحت ضرب نار مواصل بدون انقطاع .. إسهال متصل متواصل لا يتوقف من الكتابة .. افتكر فرحك باول تعليق علي بوس ليك و هييييه حد دخل عندي ..
افتكر معايا سنة أولي جواز .. طبعًا أنا لسه ما اجوزتش لكن الصورة معروفة إلا من رحم ربي .. أيوه يا حبيبي أيوه يا روحي .. يا أغلي حاجة في الدنيا .. اللذاذة اللي بنفقدها بعد أول سنة م الجواز .. و لو كان حد ما افتقدهاش ما كناش شفنا طلاق كل ست دقايق ف مصر !
افتكر معايا سنة أولي لعب ع الكمبيوتر .. وصلت لسكور 3000 .. و ألعاب زمان .. Jazz و NFS II و Commandos Beyond Call of Duty .. افتكر معاا كده الساعات الل قضتها ف أول لعبة ليك و إيديك التقيلة ف اللعب اللي أكيد دلوقتي بق زي القطر الإكسبريس ..
افتكر معايا أول مرة بصيت فيها علي بت و عجبتك و افتكرت نفسك عم رومية و لا فالنتينو و هي الأميرة النائمة .. الحب العالي باع الأطفال، الل مفش أحلي منه .. واحد صاحبي حكي لي علي عيل من الأحفاد في عيلته بيحاول يقنع والده و والدتهإنه تجوز واحدة زميلته ف المدرسة، و مش شابف إن في مشكلة .. كل اللي مطلوب طبق زيادة علي السفرة ف الغدا و العشا ! .. شف البراءة و اللذاذة ..
سنة أولي هي أحلي سنة ف عمرنا و إحنا بنبص ع الدنيا باستغراب .. إيه المكان ده... الهبل دول ببصوا علي كده ليه .. و من اللي فاكر نفسه ظريف و عمال يهشتكن ده ..
سنة أولي اللي مش حترجع تاني .. سلامات سلامات
افتكر سنة أولي سواقة عربيات .. أنا شخصًا لا عندي عربية و لا رخصة، بس عندي تجارب زمايلي .. عندك دقدق مثلاً .. أسطورة .. لما يحب يبص وراه بيبص وراه .. ما بيعترفش بحاجة اسمها المرايات .. ده غير إنه خبط العربية حسبة 15 مرة في شهرين .. و تخصص بلاعات .. يرصد البلاعة من دول يبقي مزاج دخل فيها و طلع تاني !
عندك مثلا بيسو .. ده دماغ لوحده .. مرة وقف دوران سموحة - دورانة مهمة ف إسكندرية - علشان المسّاحة الخلفية وقعت .. طبعًا يا ريته وقفه بهدوء .. ده جه ف نص الدوران و قام إييييييء .. مفرمل مرة واحدة السواقين كلهم فعدوا يسبوا و يلعنوا لما اتشكوك شتايم ..
افتكر سنة أولي كلية .. أول مرة تحس إنك حر .. و إنك ف نفس اللحظة مربوط بألف حبل.. تحس إن الدنيا بقت ف البلالة بس لو البلالة أخدتك حتروح بلاش .. افتكر معايا السذاجة باعة أول سنة و أنك لازم تحضر كل المحاضرات و تقلق قوي لو فوت محضرة و حس بالذنب علشان اتأخرت تلات دقايق علي معاد السكشن ..
افتكر كده سنة أولي كتابة ف مدونتك، أو موقعك الشخصي .. كتابة حرت فحت ضرب نار مواصل بدون انقطاع .. إسهال متصل متواصل لا يتوقف من الكتابة .. افتكر فرحك باول تعليق علي بوس ليك و هييييه حد دخل عندي ..
افتكر معايا سنة أولي جواز .. طبعًا أنا لسه ما اجوزتش لكن الصورة معروفة إلا من رحم ربي .. أيوه يا حبيبي أيوه يا روحي .. يا أغلي حاجة في الدنيا .. اللذاذة اللي بنفقدها بعد أول سنة م الجواز .. و لو كان حد ما افتقدهاش ما كناش شفنا طلاق كل ست دقايق ف مصر !
افتكر معايا سنة أولي لعب ع الكمبيوتر .. وصلت لسكور 3000 .. و ألعاب زمان .. Jazz و NFS II و Commandos Beyond Call of Duty .. افتكر معاا كده الساعات الل قضتها ف أول لعبة ليك و إيديك التقيلة ف اللعب اللي أكيد دلوقتي بق زي القطر الإكسبريس ..
افتكر معايا أول مرة بصيت فيها علي بت و عجبتك و افتكرت نفسك عم رومية و لا فالنتينو و هي الأميرة النائمة .. الحب العالي باع الأطفال، الل مفش أحلي منه .. واحد صاحبي حكي لي علي عيل من الأحفاد في عيلته بيحاول يقنع والده و والدتهإنه تجوز واحدة زميلته ف المدرسة، و مش شابف إن في مشكلة .. كل اللي مطلوب طبق زيادة علي السفرة ف الغدا و العشا ! .. شف البراءة و اللذاذة ..
سنة أولي هي أحلي سنة ف عمرنا و إحنا بنبص ع الدنيا باستغراب .. إيه المكان ده... الهبل دول ببصوا علي كده ليه .. و من اللي فاكر نفسه ظريف و عمال يهشتكن ده ..
سنة أولي اللي مش حترجع تاني .. سلامات سلامات
الدعاية كما لم تكن من قبل
هناك 3 تعليقات:
كلامك كله حكم و مواعظ مع ده ما ينطبقش على تسميتك الدائخ بس ما علينا . اكيد ان اول شيء في كل شيء بيبقى غريب جدا بس ممكن تفادي ده بالسؤال عنه الاول قبل ما نعمله
الكلام مسّ وتر ما فى نفسى.... وعزف على قيثارة الذكريات الجميلة اللى أؤكدلك أنها مش را جعة تانى.... دة احنا فى طب يا حاج دائخ
سنة أولى .. بص يا عبد .. في مثل مصري حكيم بيقول .. الغربال الجديد ليه شدة
إرسال تعليق