عوادم كبسولية 28/2/2008
- أستقلت كوسوفو : .... كويس
رحبت أمريكا : .... ياما جاب الغراب لامه
أستبعد أبومازن الأقتداء بهم وقيام دوله فلسطينية من جانب واحد : ...
اللي إختشوا ماتوا !
**
- أوباما و هيلاري وماكين كل يتنافس على من يترشح عن حزبة في الأنتخابات: والله ناس خايبة ودول متخلفة صحيح و لابد من تصدير بعض خبرائنا في هذا المجال لنأخد بيد تلك الدول التي تحبوا في الديمقراطية !
**
- النائب المحترم لو يتفرغ للي بيفهم فيه ( السياسة ) ويسيب الكورة في حالها و حسن شحاته في حاله : يعمل في العالم العربي جميلة والله!
**
- يُدَرس الطب في مصر بطريقة "التمانيات" حسب الكرة ، فكل الضربات الحرة الموجعة تأتي في " المقص" ولا يستطيع الحارس المسكين سوى الفرجة على الكرة تخرم شباكة
**
- في العامية : نجم يسب الحكام و يستنهض الشعب
جاهين يغني للحكام و يغني على الشعب
الأبنودي يكتب لمصر فقط لا غير
و نجيب سرور يسب أمهات الجميع !ّ!
**
- الأب : انا امتلك الجميع , الأم : مطيباتية ، الإبن : انا أذكى من الجميع ولا يحق للأب تملكي ، الإبنة يخلب بيوتكم وطوا ثوطكم مث عالفة أثمع عمل دياب وانت وأنا نكره حياتنا بسبب تلك العائلات اللي تقصف العمر
**
- أوبريت الضمير العربي رائع ، مؤثر ، جميل ، يدمع العين ويدمي القلب ولكن ولكن الكلمة لا تقذف حجر ولا توقف دبابة و تنقذ شهيد و تعوض ثكلى ونحن قد مات فينا الضمير العربي ولذلك ولا خمسميت أوبريت حيغيروا حاجة غير لما نتغير أحنا ! ولا انت رأيك إيه ؟
**
رسالة للإخوة التفكيرجية المقيمين بإستوديوهات التحليل، مدينة الإنتاج الإعلامي : عليه العوض في الكورة يا جدعان
**
!الحب بهدلة -
الدعاية كما لم تكن من قبل
هناك 3 تعليقات:
جميل بس لى اعتراض:
لم أعهدك يا عبد الرحمن بتغلط فى حد من غير ما تسمع منه كدة!!! يعنى انت بصراحة _ وانا أحب التصريح لا التلميح- أنا ما سمعتش من شوبير وهو بيغلط فى حسن شحاتة.... دة نبينا قال كفى بالمرء كذبا أن يحدّث بكل ما سمع .... أما لو سمعته وانا بقول سمعته مش اتحكالك يا ريت تقوللى فين وامتى ... ولا ايية؟
- في العامية : نجم يسب الحكام و يستنهض الشعب
جاهين يغني للحكام و يغني على الشعب
الأبنودي يكتب لمصر فقط لا غير
و نجيب سرور يسب أمهات الجميع !ّ!
------
انا معاك في نجم والابنودي
لكن مش معاك في جاهين وسرور
افسرلك واوضحلك وجهة نظري
جاهين كان فعلا صوت الحكام او صوت عبد الناصر في ماقبل النكسه .. لكن بعد النكسه اتولد جاهين تاني خالص .. جاهين تاني عايز يكفر عن غلطته في ايماني التام بكل مبادئ الثورة وكل اهدافها اللي فشلت ساعتها عشان استغلال السلطه بشكل سيء
ياراجل ده كفايه كلمات اغنية بانو على اصلكو بانو اللي غنتها سعاد حسني في حسن ونعيمه
بلاش الاغنيه دي .. شوف الرباعيه دي وانت تفهم مين هو جاهين بعد النكسه
بلياتشو قال إيه بس فايدة فنونـــي ؟
و تلات وقق مساحيق بيلونونــــــي
.. و الطبل و المزامير و كتر الجعـــير
إذا كان جنون زبوني زاد عن جنوني
عجبي !!!
ولو خدت بالك هتلاقي انه قال ان جنون الشعب وحبهم لناصر حتى ولو بعد النكسه .. زاد عن حب جاهين لناصر وللحكومه قبل النكسه
!!!!
ولو تتبعت معظم اعمال جاهين بعد النكسه هتلاقي انه تحول للشعب بطريقه انا شايفها اقوى واكثر صدقا من نجم ومن الابنودي ومن اي شاعر تاني .. وده لسبب بسيط
اللي هو رغبته في انه يكفر عن خطيئته في تخليد الحكام قبل النكسه
-----
نيجي بقى لنجيب سرور .. هو ليه احنا فاكرين لسرور قصيدة الاميات بس .. نجيب سرور ده عبقري بجد مش عشان حاجه .. انت لو خدت بالك وقريت قصة حياته وتتبعت المشاكل والظروف والضغوط النفسيه والعصبيه اللي اتعرض ليها هتلاقيه طلع عينه بجد
وأكيد أكيد لما واحد يحس بالضغوط والقهر بنفس اللي اتعرض ليه واحد زي سرور .. لازم يتجنن وعقله يتلحس ودماغه تتلسع .. وطبيعي انه يقول حاجات في ناس بتشوفها مش كويسه .. لكن لو قريت ليه اي حاجه غير الاميات .. هتلاقيه بيقول كلام قوي جدا بجد
حاجه كمان .. مين قال ان الاميات مافيهاش نقد للمجتمع بتاعنا ؟؟
دي مليانه نقد وتشريح بطريقه رهيبه .. ولو سبتك من الكلام الغلط واللي بيشكل اكتر من تلات تربع القصيده .. هتلاقي ان الربع الاخير في حد ذاته نقد ابن لذين للسلطه ولكل الفاسدين في الدوله
معلش طولت عليك .. بس الحقيقه انا متابع مواضيعك وانت دماغك هايله فعلا .. وقلت اوضحلك وجهة نظري والاختلاف في الرأي لا يفسد للود قضيه
سلاموووووووووووز
أولا انا اتفق معاك 500% بالنسبة لنجيب سرور وكلمتي مش معناها إني قريت له الأميات بس انا كنت أتندر عليهم ، انا احب نجيب سرور وأعش قصيدة الحذاء (في قريتي عمدة كالإله ...) ةاعشق صوته في إلقائه للشعر ، ثانيا بالنسة لصلاح جاهين لست ادعي ان قريتله كما قريت للأبنودي او نجم او سرور ولكن بعد الرباعيات لا اعرفله غير ( قول ما بدالك إحنا رجالك ودراعك اليمين .. أغنية يا أهلا بالمعارك) مع ذلك عندما قريت الرباعية أللي انت حططتها عرفتي اني ربما مدرستوش كويس قبل ما اتكلم ، ولذلك فعلا الإختلاف للود لا يفسد للود قضية وانا سعيد فعلا ان انت بتقرا مواضيعي ، ان اكتب عوادم يوميا ما عدا الجمعة والسبت
إرسال تعليق